النظرياات كرهووني في التخصص

[دانة الإمارات]

السلام عليكم ورحمة الله وبركاته

ياجماعه اكتشفت ان علم اجتماع يعتمد على النظريات بشكل كبير
وانا ماهمتيت للنظريات ابدااا
والحين اغلب البحووث محتاجه نقد النظريات او اطار نظري
وانا مب فاهمه و ماعرف افرق بين النظريات التقليديه و النظريات المعاصره و غيرها
و انجح في المواد بالحظ
بس بعد جذي ماينفع يعني كيف بتخرج وانا اهم شي في علم الاجتماع مب فاهمتنه

فياريت تساعدوني في مشكلتي
الحين خلاص انا خذيت مساق النظريه الاجتماعه 1 و حاليا ادرس النظريه الاجتماعيه2
بس مب مستفيده منهم ابداا
احس انه كله كلااام اروح اقراه قبل الامتحان بساعه ساعتين و اروح اصب الي دخل في مخي في الامتحان
وفي لحظه خروجي من الامتحان اكون نسيت كل الي قريته
>>>مادري كيف آخذ درجه عاليه في الماده:rolleyes:

المهم بصراحه متضايقه عشان هالشغله
ياريت لو يصير علم اجتماع بدون نظريات ويخلونا نعيش حياتنا بشكل طبيعي بدون هم النظريات و كوابيسها :confused:

ياريت لو في طريقه مبسطه اقدر افهم فيها قصة النظريات مثلا كتاب او ملخص او اي شيء
والي عنده اي حل لمشكلتي يساعد ^_^

سأكون شاكره لكم ولا تحرموني من دعواتكم

[عبدالله عبدالله]

ستتخرجي بتفوق ان شاء الله
انصحك بتصفح كتاب مدخل علم النفس
فصل الدافعيه
وفصل التذكر والنسيان
تاليف
د.عبد الرحمن عدس
د. محي الدين توق

[دانة الإمارات]

يارب الله يسمع منك ياخوي عبدالله
ان شاءالله بشوف الكتاب

يزاك الله خير ^_^

[محمد الذيابي]

هذا يعني انك انسانه ذكيه

تذكري قبل الاختبار بسعتين وتحفضي
مشاء الله

حولي تستعني بستذاتك المباشرات
في الجامعه وتزوريهم في مكتبهم

[دانة الإمارات]

اولا ماعندنا استاذات كلهم اساتذه
و الله لا يراويك الاستاذ الي يعطينا المقرر كيف عصبي
احس يوم اشوفه بكل انواع الطقس مره حر و مره برد و مره اعاصير ومره رعوود

الله يعين بس
ع الذكاء ياريته لو يتم في مخي بس اروح اصب الي درسته في الامتحان و تعال اسألني اليوم الثاني عن المعلومه بقول لك نسيت ^^"


شاكره تواجدك اخوي

[بروق الشمال]

دانه يغلا
انا عندي الحل والاكيد لمشكلتك بأذن الله

انا طبعا واعوذ بالله من كلمت انا مبدعه في شي اسمه اقرأء ويثبت في مخي اذا ابي انا
اما اذا مأبي فستين داهيه دقايق وانساها
حتى في حياتي اليوميه احداث صغيره تتعلق في مخي لاني احبها ومصايب انسها لاني مابي اذكرها


لك الحل

اول شي راح تختاري كتاب ميسر يظم عدد كبير من النظريات التي تعتمد عليها دراستك وبشرط يكون سهل القرائه

ثانيا فظي مخك من التفكير بالمحيط الذي انتي فيه
كأنك تقرين شي انتي تحبين تقرينه يعني نقول روايه او قصه رمنسيه لان الاغلب يحبون يقرونها

ثالثا ضعي في عقلك شي اسمه فكره عامه عن النظريه والتفاصيل الدقيقه حاولي الرجوع لها عند الحاجه حتى لاتتوهي في دقائقها

رابعا القرأه في مكان هادئ ومافيه عندك tv ولا غيره

واقنعي نفسك بان هالقرأه خارجيه لك وليس للدراسه العلميه
وجربي وشوفي راح تثبت لو مليون سنه بتوفيق اختي

[amine]

السلام عليك ورحمة الله وبركاته
الى الأخت دانة الامارات، إن علم الاجتماع بمختلف فروعه وتخصصاته له نظرياته( وما تتضمنه من قضايا وقوانين وأراء)، يعتمد عليها في دراسة الظواهر الاجتماعية والمشكلات التي تواجه المجتمع بشكل عام، ولا يستطيع الباحث الاجتماعي الاستغناء، أما الحل فيبدأ منك أنت بالذات ويتعلق بالإرادة الذاتية في الدراسة والبحث وحب الاستطلاع.